הילדה שטערנא שרה בת חיה מאושפזת במצב קשה, וזקוקה לרחמי שמים מרובים.
אנא מכם הקדישו 2 דקות מזמנכם לאמירת פרקי תהילים אלו לזכותה ולהחלמתה המהירה

פרק כ
א לַמְנַצֵּחַ מִזְמוֹר לְדָוִד: ב יַעַנְךָ יְ־הוָ־ה בְּיוֹם צָרָה יְשַׂגֶּבְךָ שֵׁם אֱלֹהֵי יַעֲקב: ג יִשְׁלַח עֶזְרְךָ מִקּדֶשׁ וּמִצִּיּוֹן יִסְעָדֶךָּ: ד יִזְכּר כָּל־מִנְחֹתֶיךָ וְעוֹלָתְךָ יְדַשְּׁנֶה סֶּלָה: ה יִתֶּן־לְךָ כִלְבָבֶךָ וְכָל־ עֲצָתְךָ יְמַלֵּא: ו נְרַנְּנָה בִּישׁוּעָתֶךָ וּבְשֵׁם־אֱלֹהֵינוּ נִדְגּל יְמַלֵּא יְ־הוָ־ה כָּל־מִשְׁאֲלוֹתֶיךָ: ז עַתָּה יָדַעְתִּי כִּי הוֹשִׁיעַ יְ־הוָ־ה מְשִׁיחוֹ יַעֲנֵהוּ מִשְּׁמֵי קָדְשׁוֹ בִּגְבוּרוֹת יֵשַׁע יְמִינוֹ: ח אֵלֶּה בָרֶכֶב וְאֵלֶּה בַסּוּסִים וַאֲנַחְנוּ בְּשֵׁם־יְ־הוָ־ה אֱלֹהֵינוּ נַזְכִּיר: ט הֵמָּה כָּרְעוּ וְנָפָלוּ וַאֲנַחְנוּ קַּמְנוּ וַנִּתְעוֹדָד: י יְ־הוָ־ה הוֹשִׁיעָה הַמֶּלֶךְ יַעֲנֵנוּ בְיוֹם־קָרְאֵנוּ:
 
פרק יד
א לַמְנַצֵּחַ לְדָוִד אָמַר נָבָל בְּלִבּוֹ אֵין אֱלֹהִים הִשְׁחִיתוּ הִתְעִיבוּ עֲלִילָה אֵין עשֵׂה־טוֹב: ב יְ־הוָ־ה מִשָּׁמַיִם הִשְׁקִיף עַל־בְּנֵי־אָדָם לִרְאוֹת הֲיֵשׁ מַשְׂכִּיל דּרֵשׁ אֶת־אֱלֹהִים: ג הַכּל סָר יַחְדָּו נֶאֱלָחוּ אֵין עשֵׂה־טוֹב אֵין גַּם־אֶחָד: ד הֲלֹא יָדְעוּ כָּל־פּעֲלֵי אָוֶן אכְלֵי עַמִּי אָכְלוּ לֶחֶם יְ־הוָ־ה לֹא קָרָאוּ: ה שָׁם פָּחֲדוּ פָחַד כִּי אֱלֹהִים בְּדוֹר צַדִּיק: ו עֲצַת־עָנִי תָבִישׁוּ כִּי יְ־הוָ־ה מַחְסֵהוּ: ז מִי־יִתֵּן מִצִּיּוֹן יְשׁוּעַת יִשְׂרָאֵל בְּשׁוּב יְ־הוָ־ה שְׁבוּת עַמּוֹ יָגֵל יַעֲקב יִשְׂמַח יִשְׂרָאֵל: